Помладите мажи претставуваат предизвик за страстните жени бидејќи покрај нив се чувствуваат помладо и потентно. Младоста со себе носи добра енергија, живост, оптимизам, бурен секс, но од друга страна и несигурност и осуда од јавноста.
Некои жени го обожуваат чувството на контрола во креветот, додека други велат дека имаат чувство „како да чуваат деца“. Ова се само некои од работите кои постарите жени ги откриле за нивните врски со значајно помладите партнери.
Под услов да се зачува нивната анонимност, овие жени ги опишале нивните искуства преку мобилната апликација „Whisper“, пренесува Daily Mail.
- Излегувам со помлади момчиња бидејќи покрај нив повторно се чувствувам секси и посакувано, а тоа чувство секогаш изостанува кога се гледам со мажи на моја возраст.
- Моето момче-играчка е толку секси, но кога ќе проговори веднаш се забележува дека е помлад, па ми станува непријатно.
- Мене таквите врски ми одговараат бидејќи не бараат претерана посветеност, но имам и потполна контрола над нив, а тоа го сакам.
- Моето момче е осум години помладо од мене и не ми кажува постојано дека ме сака. Таа несигурност жива ме јаде.
- Имав помладо момче кое ме остави... Се чувствувам како Деми Мур!
- Излегував со доста помлад маж, кој после првиот секс ми призна дека ме излажал за годините.
- Јас сум постара жена и сум во врска со 20-годишно момче. Не ме осудувајте, тој прв ми пријде. Да, тоа е вистина и заради тоа се чувствувам фантастично.
- Излегувам со помлади бидејќи тоа ми пружа чувство на контрола во креветот.
- Сакам помлади момчиња бидејќи ги обожувам сексот и забавата, а мажите на моја возраст не можат да го следат тоа темпо.
- Моето „меченце“ е особено внимателно кон мене. Токму затоа обожувам помлади момци.
- Порано не поднесував кога помлад дечко ќе почнеше да флертува со мене во некое кафуле, но откако конечно му дозволив на еден од нив да ми се доближи, сега го сакам тоа. Ние сме во преубава врска. Непроценливо е да им го видите изразот на лицето на другите луѓе кога ќе дознаат колкава разлика сме во години. Се чувствувам гордо.
- Уживам во сите секс игри со моето момче, но во исто време чувствувам болка и вина што заради тоа неодамна се разведов.
- Околуната ми го загорчува животот бидејќи мојот дечко е помлад од мене 11 години. Не разбирам во што е проблемот, кога и двајцата сме возрасни и имаме право да бидеме со кој сакаме.