Секоја година, летната сезона ја навестуваат фотографиите на беспрекорните, згодни и среќни манекенки кои позираат на песочни плажи, промовирајќи ги новите колекции на костими за капење од познатите брендови.
Но, колку добро овие скудни парчиња облека изгледаат на „обични“ жени со просечни, односно реални тела?
Токму тоа сакала да го демонстрира екипата на BuzzFeed. Тие одбрале група на жени чии пропорции не влегуваат во пропишаните совршени стандарди, наметнати од модната индустрија, а кои изгледаат сосема секојдневно, и ги облекле во костимите за капење од новата колекција на Victoria’s Secret.
Жените позирале исто како моделите од каталозите, а оваа фотосесија со интересна цел била снимана на плажа во Малибу. Иако најпрво се мислело дека сето ова ќе влијае врз разнишување на самодовербата на „нормалните“ жени, со тоа што се споредувани со супермодели, ефектот бил мошне интересен.
Погледнете ги фотографиите и коментарот на секоја жена за ова искуство!
Кристин
„Многу е тешко да се биде објективен кога станува збор за сопственото тело. Затоа, кога некој ќе каже убави зборови за вас, треба да му верувате.“
Нина
„Не се споредувајте со манекенките. Многу мал дел од нас се манекенки.“
Шеридан
„Не мора да изгледате како Бехати за да носите костим за капење. Правете го она што ве прави среќни.“
Лара
„Можеби не сме сите модели, но светот е модна писта за секоја од нас.“
Алисон
Сметам дека секоја жена треба да има фотосесија во костим за капење, во некој период од животот. Ова е многу интересно искуство кое помага да се надмине личната несигурност.
Кирстен
Да се има беспрекорен тен среден на Photoshop и нула проценти масти на телото, не прави да се чувствувате убаво. Самодовербата која доаѓа однатре и енергијата со која зрачите прави да се чувствувате убаво, без разлика на естетските недостатоци.