Поранешната српска снаа, Адријана Лима, освен тоа што е една од најубавите жени на светот, воедно е мајка на две прекрасни ќерки. Ангелот на Victoria’s Secret е уште познат по тоа што тренира бокс и мошне ригорозно се држи до режимот на исхрана и тренирање непосредно пред големите ревии на брендот за долна облека.
Како и секоја жена, така и Лима има неколку ритуали кои помагаат да изгледа совршено во секоја прилика без разлика на тоа дали се наоѓа пред фото објективите или не.
-Мојата тајна кога станува збор за очите е во постојаното нанесување маскара. Речиси никогаш не ја тргнувам и додавам нов слој. Иако за многумина ова изгледа хаотично тоа им дава на моите очи посебен изглед. Нанесувам маскара и на горните и на долните трепки, вели Лима.
Што се однесува до природниот изглед на нејзиното лице, Бразилката тврди дека трикот е во мешање на светкаво руменило со лосионот за навлажнување на кожата.
-Тоа ќе ви даде природен изглед, кожата ќе има необичен сјај и сите ќе имаат впечаток дека немате шминка на лицето. Понекогаш истиот сјај или кармин што го ставам на усните го нанесувам и на образите. Па така се изгледа поприлично нежно и неупадливо, а повторно се постигнува саканиот изглед.
Уште еден од ритуалите за разубавување на Адријана е и бразилското фенирање.
-Мојата коса изгледа прилично здраво, па третманот го повторувам на секои 2 месеци. Не можам без овој третман бидејќи многу ми го олесни животот со оглед на тоа дека имам долга коса и доволно е само да ја измијам за да би изгледала сјајно, наведува манекенката.
Како последно, но не и помалку важно, Адријана препорачува да внимавате на својата исхрана.
-Ако се исхранувате како што треба тоа ќе се покаже и на вашата кожа. Исхраната е мошне важна и ноктите па затоа внимавајте што јадете, додава таа.