Главно збиднување викендот, беше финалето на Вимблдон, кое се одржа во Лондон. За време на целиот турнир можевме да забележиме многу познати личности, а истото се случи и на вчерашните натпревари. Во првото финале на мажи, победи Новак Ѓоковиќ, додека во жени победи Серена Вилијамс.
По тој повод, се одржа свечена вечера на шампионите, на која спортистите и покрај исцрпеноста успеаја да се појават беспрекорно и мошне елегантно. Сите фотоапарати беа вперени кон совршената фигура на Серена Вилијамс, која се појави во долга тоалета во шампањ боја. Долгата испеглана коса, дополнително ја разубавуваше тенисерката. Таа се појави заедно со нејзиниот тренер, а воедно и момче, Патрик Муратоглу.
По Серена се појавија и Новак и Јелена, кои беа стилски комбинирани. Новак носеше костум со елегантен крој, додека Јелена беше облечена во цветна тоалета од Александер Меквин. Тие се појавија со целиот тим на Ѓоковиќ, вклучувајќи го и неговиот тренер Борис Бекер и со неговото семејство.
Интересен беше моментот кога Јелена и напиша на Селена преку Twitter да се подготви за победничкиот танц со Новак, бидејќи тој веќе и побарал дозвола.
Потоа тие почнаа со забавата, која траеше цела вечер.