Кога станува збор за избор на идеален костим за капење, критериумите се многу различни и не се врзуваат по секоја цена за сезонските трендови. Покрај обликот на телото, треба да обрнете внимание и на градите, поточно на бројот на корпите, особено кога станува збор за мал граден кош.
Повеќе совети им се упатуваат на жените со големи гради за тоа како да си најдат идеален крој и дезен на костим за капење, но ни на оние со мали гради не им е лесно да го одберат совршен модел. Еве ги најважните аспекти:
Боја
Кога станува збор за боите, малите гради поднесуваат сè. Најдобро им прилегаат моќни бои и впечатливи дезени, а шарите по можност да бидат што покрупни. Најмалку им прилега црна и сива боја.
Модел
Идеалниот модел на горниот дел наменет за жени со мали гради зависи од нивните сопствени желби. Доколку сакате да го истакнете деколтето, послужете се со рush-up корпи или дополнителни пенасти перничиња, како и добро поставени и цврсти корпи. Одлични модели за „маскирње“ на малите гради се и оние топови на кои одозгора им паѓа дополнителен лелеав слој ткаенина. Доколку, пак, немате проблем со тоа што имате мали гради, сосема е симпатично да носите обични и непоставени бикини.
Апликации
Овогодинешните трендови на костими за капење се многу креативни, а меѓу нив се наоѓаат многу од оние кои се како создадени за мали гради. Апликациите пружаат 3D ефект и визуелно ја зајакнуваат корпата, па му одат во корист на скромното деколте. Ресите, монистрите, бисерчињата и зашиените цветови совршено им прилегаат на малите гради бидејќи визуелно ги зголемуваат.