Колку и да сте среќни со вашиот партнер, факт е дека не е сè во врските така розево. Истите знаат да бидат полни со непријатни ситуации, најчесто заради фактот што мажите и жените не знаат да ги прочитаат сигналите кои меѓусебно си ги испраќаат.
За да им се олесне ситуацијата на сите, Роберт Мани, авторот на книгата „The guys' guy's guide to love“ им откри на жените мали машки тајни кои ќе им помогнат да сфатат како функционира машкиот ум.
Несигурен е
Повеќето мажи признаваат дека во нив се крие зрнце несигурност кога и’ приоѓаат на жената која им се допаѓа, дури и кога однадвор делуваат сосема сигурни во себе.
Повремено сака да се заменат улогите на ловец и плен
Мажите сакаат да си играат ловци, но исто така понекогаш сакаат да бидат и плен, заради тоа што често не знаат правилно да ги прочитаат сигналите кои жените им ги испраќаат. Затоа, тие ќе ви бидат благодарни доколку јасно им дадете до знаење дека ви се допаѓаат.
Не помни детали
Додека жените во својата меморија ги складираат сите ситници кои ги знаат за избраниот маж, припадниците на посилниот пол ги „филтрираат“ информациите и затоа не помнат многу од деталите кои ќе ги споделите со нив.
Сака кога ја цените неговата смисла за хумор
Секако, сакаат и кога тоа ќе им го покажете со искрено „паѓање во несвест“ од смеење кога тој ќе изусти некоја навистина смешна шега.
Патот до неговото срце навистина оди преку желудникот
Мажите уживаат во храната и не го кријат тоа, па затоа оваа информација добро искористете ја. Доколку не сакате да готвите, излегувајте со него на места каде што има добра храна. Сигурно ќе го цени тоа.
Сака девојка која со гордост ќе и’ ја претстави на неговата мајка
Дури и тоа да не го направи веднаш и сака да почека со запознавањето, мажот покрај себе сака девојка која е „квалитетен материјал“ за да го придружува пред семејството и пријателите.
Добриот маж не сака да се менувате заради него
Бидете најдобрата верзија од себе и чувствувајте се пријатно, а тој ќе биде среќен покрај вас. Не му дозволувајте на несигурниот маж да ве менува заради неговите сопствени комплекси. Доколку не ве сака онакви какви што сте, тогаш дефинитивно заслужувате подобар партнер.