Убавината доаѓа во сите форми, големини, возраст и бои. Токму тоа сакала фотографката Кери Фрут да го докаже со нејзиниот проект „American Beauty“, во рамките на кои направила фотографии од 14 различни жени кои лежат голи во кревет од цвеќиња.
Таа открива дека фотографиите за нејзиниот проект биле инспирирани од познатата сцена од истоимениот филм „American Beauty“, во која Лестер ја сонува голата Енџела, а нејзината кожа ја галат илјадници ливчиња од црвени ружи, претставувајќи ја само како сексуален објект.
Со овие фотографии, Фурт им ја враќа моќта на жените.
- На речиси секоја фотографија прикажана од масовните медиуми можете да видите само еден тип на жени – бели и слаби, да бидам поконкретна. Но, овој критериум воопшто не ја претставува женската популација, во нејзиниот поголем дел. Во Америка има жени со најразновиден изглед. Жени кои се гладни да бидат претставени во убаво светло. Па, зошто да не бидат? - изјави таа за Huffington Post.
Со истакнување на жени кои изгледаат сосема поинаку од она што се прикажува на медиумите, фотографката се надева дека ќе ги охрабри сите жени да се чувствуваат убаво, самоуверено и секси, баш онака какви што се.
Што мислите, ќе успее ли овој проект да ја постигне нејзината цел? Погледнете!