Познатата американска бизнисменка Џејн Крејл, им советува на сите жени да заборават на општоприфатеното мислење ,дека мажите заработуваат повеќе од жените. Таа верува дека жените се способни да заработат двапати повеќе од своите колеги само ако максимално ги искористат своите потенцијали на шарм и флерт.
Припадничките на поубавиот пол имаат повеќе шанси да заработат големи суми и истовремено да се искачат на општественото скалило. Во исто време тие може и да се забавуваат работејќи го тоа.. Во својата книга „Работете и напредувајте благодарејќи на своите квалитети“ оваа авторка ги открива и другите елементи кои се неопходни за да се исполнат желбите на работното место.
Облека - невозможно е да го придобиете вашиот шеф или некој богат господин,ако сте облечени во сјајна кожа или во многу кратко здолниште. Облеката на вашето тело мора да ги истакнува сите ваши убавини ,но да не бидете облечени во стилот на ноќните дами. Вашата облека треба да биде секси но да не дава порака дека сте лесна жена!
Очи -Тие се клуч на успехот и тоа посебно кога е во прашање првиот разговор во врска со новото работно место или унапредување. Советот е кога ќе зборувате во канцеларијата на својот шеф, секогаш да го гледате во очи. Држете ги очите широко отворени, додека разговарате за себе и за своите работни способности.
Јазик и глас - за време на првиот разговор во врска со идната работа, секоја жена треба да избегнува да зборува за сексот или да не дава повод за такви разговори.
Однесување - за да успеете во кариерата, припадничките на поубавиот пол мораат да обрнат внимание на своето однесување. Во ниеден момент не смеат да си дозволат себеси или на својот шеф,или било кој што е на висока функција, да ги смета за „лесна роба“.
Секоја жена мора да ги истакне своите работни квалитети и да остави впечаток на вредна и работоспособна жена.
Покрај ова ниедна жена не смее да го заборави држењето на телото кога ќе влезе во канцеларијата. Во тие моменти мора да дојде до израз нејзината женственост и грациозност.
Но, немојте никогаш да заборавите дека секој маж првенствено во вас гледа домаќинка и потчинето лице. Затоа искористете го секое свое можно оружје да ја побиете таа констатација.