Кога станува збор за животните, многу луѓе се изјаснуваат дека повеќе се наклонети кон едно од овие две животни. Факт е дека секое од нив има свои доблести и маани, но доколку зборуваме за животно од кое жените можат нешто да научат, тоа е дефинитивно мачката.
Мажите ги сакаат жените кои по своето однесување наликуваат на мачки, а ги избегнуваат оние кои го делат карактерот со кучињата. Можеби ова звучи смешно, но има причина зошто е така. Имено, доколку сакате да освоите и задржите еден маж, би требало помалку да зависите од одобрувања.
Набљудувајте како се однесуваат мачките, а како кучињата и размислете.
Човековиот најдобар пријател ги има следните карактеристики:
- Секогаш сака да го задоволи сопственикот.
- Освен храна и внимание, не бара многу.
- Верен е дури и кога сопственикот е зол кон него.
- Го следи сопственикот каде и да тргне, чека негова реакција и одобрување.
- Ќе моли за љубов доколку не ја добива.
Од друга страна, мачките се многу понезависни од сопствениците:
- Самостојни се
- Непредвидливи
- Заиграни
- Љубопитни
- Мистериозни, никогаш не може да се знае што имаат на ум
- Не доаѓаат кога ќе ги повикате
- Се мазат само кога тие сакаат
- Секогаш се чисти, за тоа самите се грижат
Од наведените карактеристики сосема е јасно дека, доколку сакаме да освоиме и задржиме маж, треба да бидеме самостојни и да се однесуваме повеќе како мачките, а помалку да зависиме од туѓото одобрување, што го прават кучињата.