Мелани Гејдос (27) е родена со ектодермална дисплазија, ретко генетско заболување кое влијае врз растот на забите, рскавицата, ноктите и коските.
Таа е ќелава и нема ниту еден заб во својата уста поради што честопати добива негативни критики и осуда од средината поради својот изглед. Сепак, ништо од тоа не ја запира во нејзината намера да биде модел.
-Секогаш сум сакала да направам нешто повеќе. Сакав да бидам на билборди или на филмското платно, вели таа и открива дека решила да стане модел откако едно од нејзините момчиња ја убедило дека треба да си ја испроба среќата.
-Тој ми помогна да сфатам дека јас сум единствената личност која изгледа како мене и дека треба да го искористам својот потенцијал.
Пред една година и биле направени протези кои се надевала дека ќе и го променат животот. Но, по 8 месеци носење сфатила дека повеќе се сака себе си онаква каква што е и дека вештачките заби воопшто не е и се потребни.
Она што ќе ги изненади многумина е нејзината самодоверба и ставот со кој се справува со сите оние кои мислат дека изгледа лошо.
-Никогаш не ми пречела мојата состојба. Ако ми пречела тоа било поради коментарите од луѓето кои мислат така. Често ме прашуваат „Како јадеш без заби?“. Постојат луѓе кои одат на маратони, а немаат нозе. Сè е до перцепцијата, вели Мелани.