Постојат многу квалитети и особни кои го одредуваат нашиот успех, но експертите велат дека една од нив сепак е клучна. Дали некој ве има опишано како совесна личност или ви рекол дека сте совесен работник? Доколку вашиот одговор е позитивен, тоа е добра вест! Имено, токму совесноста е особина која на долг рок гарантира успех на сите животни полиња.
Успешните и стабилните луѓе ги красат многу позитивни особини, но изгледа дека најважна од нив е совесноста. Совесните личности се повнимателни кога нешто работат, педантни се и сакаат се да изработат точно. Никогаш не доцнат, фокусирани се на успешно извршување на своите задачи и секогаш се подготвени да им помогнат на колегите.
Многу досегашни истражувања покажуваат дека оние учесници кои се одликувале со совесност имале подобра работа и поголеми приходи. Исто така, тие имале и подобри резултати за време на образованието, како и постабилни љубовни врски.
Покрај успехот, совесните луѓе можат да се пофалат и со подобро здравје. Најчесто не пушат и не пијат, па заради тоа поретко се разболуваат и живеат подолго.
Совесноста е како миење на заби – го спречува проблемот на самиот старт. Луѓето со таа особина секогаш имаат план. Дури и кога ќе им се случи неуспех, тие веќе знаат како да се справат со тоа, вели Брент Робертс, психолог од универзитетот во Илиноис, САД.