Козметичките производи кои ги користиме најчесто се полни со адитиви и различни хемикалии. Доколку сакате да имате потполно здрав и повеќенаменски препарат за нега на телото кој не содржи никакви вештачки додатоци, само три состојки ви се потребни за да го направите сами.
Домашниот путер чиј рецепт за подготовка ви го претставуваме во продолжение, може да биде одлична алтернатива за сите слични препарати за кои до сега имате издвојувано големи суми на пари, а кој е одличен за нега и хранење на кожата.
Потребни ви се мед, кокосово масло и рендана кора од лимон. Сите овие состојки измешајте ги додека не добиете густа и хомогена смеса.
Оваа комбинација создава крема која можете да ја користите за многу работи, како бричење на нозете или за хидратација. Особено е добра за хидратација и на сувите делови на кожата, како што се лактите, колената и стапалата.
Кога станува збор за чување на овој путер и неговата употреба, не е препорачливо да стои повеќе од една недела, освен доколку го изоставите лимонот и потоа го чувате во добро затворена тегличка, во фрижидер.
Доколку го вклучите лимонот, добиениот путер за тело чувајте го максимум една недела, на суво и ладно место.