Во животот градиме најразлични врски, со родителите, со браќата и сестрите, роднините, колегите, пријателите и љубовниците. Со цел да изградиме здрави и позитивни односи неопходно е да избегнуваме определени типови на однесување.
Повлекување од комуникацијата
Ниту еден однос нема шанси да опстои ако дојде до затворање на каналот на комуникација. Односите со луѓето доживуваат криза кога инволвираните страни одбиваат да разговараат за она што им пречи или пак предизвикало конфликт во нивната врска. Ако имате проблем наместо да се повлечете, да викате или пак да користите погрдни имиња решете го како возрасна личност. Потрудете се изградите однос што е полн со доверба и ефективна комуникација.
Споредување на еден однос со друг
Секој однос е различен и токму затоа никогаш не треба да ги споредувате односите што ги имате со различни луѓе. На пример на некого можете да му ги раскажете своите проблеми, додека на друг не. Затоа уживајте во разноликоста. Доколку некој некогаш ве повредил не се однесувајте со другите луѓе како тие да се виновни за тоа што се случило, туку напротив обидете се да изградите уникатен однос со таа личност и да ја цените поради позитивните нешта кои што ги поседува.
Не го чувајте гневот
Не за џабе велат секоја минута помината во лутина, ве чини 60 секунди среќа. Кога некој ќе ве навреди или направи нешто поради кое не можете да му простите чувствувате гнев и омраза. Тоа ви создава лажна претстава дека на луѓето не може да им се верува. Најдобриот начин да се справите со овој проблем е да се потрудите и да им простите на луѓето, не поради нив туку поради себе си.