Ревијата на младиот дизајнер Игор Марков во Музејот на Град Скопје вчеравечер означи старт на ревијалниот дел на Моден викенд Скопје за есен/зима 2015/2016.
На ревијата на Марков беше прикажана колекцијата наречена „Prêt-à-porter féminin de luxe“ за 2016 година, составена од 23 уникатни парчиња.
-Она кое ја издвојува оваа жена од масата не е само нејзината исклучителна атрактивност туку нејзиниот став. Се познава себе си и цени. Оваа личност никогаш не се плаши да биде во центар на вниманието, без разлика дали поради смелите и непредвидливи модни избори или нејзините животни убедувања, вели за своите креации Игор Марков кој дебитираше на Моден викенд Скопје 12.
