Што посакува, тоа и остварува. Кендал Џенер конечно го исполни својот сон и заедно со колешката Џиџи Хадид го имаше дебито во тимот на ангелите на вчерашната Victoria’s Secret ревија.
Дваесет годишната манекенка се прошета на пистата во две различни комбинации и го украде вниманието од другите девојки.
Крис и Кејтлин Џенер беа во публиката за да и ја дадат својата поддршка, додека преостанатиот дел од семејството Кардашијан остана дома за да не и создава дополнителен притисок.
Годинава честа да го носи Fantasy Bra и припадна на Лили Олдриџ. Таа се прошета во 2-милионскиот градник изработен од 6500 скапоцени камења и 18-каратно злато.
Откако Ријана го откажа настапот недела дена пред шоуто, организаторот ја повика Ели Гоулдинг да го пополни нејзиното место. На ревијата свои настапи имаа и Селена Гомез и The Weekend.
На пистата се прошетаа 44 ангели, меѓу кои Адријана Лима, Алесандра Амбросио, Кендис Сванепоел, Сара Сампаио како и шведската убавица Елса Хоск.