Кога прв пат ќе фрлите поглед врз високите потпетици од Casadei брендот изгледа како да гледате цртеж, илузија што ви ги мами очите.
Тенки и високи оставаат впечаток на ултимативна моќ и бестрашност. Blade колекцијата со право го носи името „сечило“ бидејќи изгледа буквално како што звучи.
Сепак, за пар што чини минимум 500 фунти на крајот од денот се поставува само едно прашање : Колку е носливо ова вртоглаво задоволство?
Ако судиме по џет сет дамите од калибарот на Викторија Бекам, Џенифер Лопез, Џесика Алба и ред други, овие потпетици изгледаат застрашувачки сè до оној момент додека не влезете во нив. Оние кои имале можност да носат еден ваков пар, велат дека можеби не се екстра комфорни, но се потполно носливи за кратки дестинации.
Она на што паѓа понежниот пол дефинитивно е издолжувањето на нозете кога еден ваков пар на потпетици ќе се најде на нив.
А болката? Болката може да се издржи...