Започна сезоната на мандарините богати со витамини С и В, магнезиум, бета каротин и калиум. Освен тоа, одлични се за здравјето, го зајакнуваат имунитетот и благотворно влијаат на кожата која најчесто се надразнува во овој период. Од ветерот лицето може да стане многу грубо, па се препорачува да ја нахраните токму со мандарини.
Еднаш месечно направете пилинг: Излупете четири мандарини, исцедете ги, а во малку врела вода растопете 10 лажички шеќер и оставете ја водата да се излади. Промешајте ја со сокот од мандарини и намачкајте ја смесата на влажно лице и врат. Добро измасирајте ја кожата, измијте ја со млака вода и ставете хидратантен крем.
Еднаш неделно направете маска за лице од една мандарина, која претходно сте ја исчистиле убаво и изматете ја со една лажичка павлака. Оваа маска нанесете ја на чисто лице и оставете да делува 15 минути. Измијте се прво со млака, па потоа со ладна вода. Свежата овошна смеса ја чисти кожата, ја хидратизира и ја прави мазна.