Ниските температури и студеното време не ги спречија британските ѕвезди да ја разголат својата кожа на годинешните Brit Fashion Awards што се одржаа во лондонскиот Колосеум.
Додека Викторија и Дејвид Бекам се задржаа до класичниот изглед промовирајќи се како моќна шоубизнис двојка усогласена во стилот на облекување, речиси сите други познати личности помалку или повеќе експериментираа со стилот.
Пејачката Моли Кинг беше една од најекстремните ѕвезди на вечерта појавувајќи се во монохроматски фустан без долна облека. Фактот што е студено не ја спречи Кинг да се соголи и затворените чевли да ги замени со сандали.
Примерот на разголени стапала го следеа и Роузи Вајтли Хантингтон, Пикси Лот, Кејт Бекинсејл како и супер моделот Џордан Дун.
Обидот да изгледаат поинаку на црвениот тепих, за многумина заврши како модно фијаско, но тоа очигледно не им пречеше се додека го привлекуваат вниманието.