Венчаница на хрватската пејачка, Северина Којиќ, несомнено е модел што не се гледа секојдневно.
Пејачката која викендов ја имаше својата свадбена прослава во Белград избра раскошна викторијанска кринолина изработена од 16 метри тантела со потписот на модната дизајнерка Матија Вуица. Но, тоа не беше сè. За време на свадбата Севе смени уште една венчаница и вечерен фустан исто така направени по нарачка.
-Фустаните започнавме да ги изработуваме на почетокот на ноември, работевме само 20 дена, во саботите и неделите, а вкупно на нив се потрошени од 300 до 400 работни часови. На фустаните работеа 4 лица и сите три креации се изработувани во исто време. Неколку пати набавувавме материјали, од нив вадевме огромни парчиња и зашивавме апликации, кристални детали и сè друго што не се забележува на прв поглед, а и дава посебен изглед на венчаницата, вели Вуица.
Севе најпрвин ја носеше кринолината, за потоа да се пресоблече во принцеза венчаница во млечна нијанса. На крајот од вечерта гостите имаа можност да ја видат во 3-от модел, фустан со златни апликации и „корнети“ во пределот на градите.
