Ear cuff наушниците повторно се враќаат на модната сцена, овој пат уште повпечатливи од порано. Ако во 80-те ова парче накит беше препознатливо за рокерската генерација, сега е подеднакво прифатливо за сите.
Наушниците со различни форми и големини одлично поминаа во светот на богатите и славните, па сè почесто ги гледаме на црвениот тепих како неизоставен дел од имиџот на Сандра Булок, Џенефер Лоренс, Кара Делевињ и многу други.
И додека тие се шетаат наоколу со модели од дијаманти, злато и платина, обичните луѓе кои сакаат да го следат трендот ќе треба да се задоволат со циркони.
Но, не грижете се бидејќи и тие изгледаат одлично на вашите уши. Единствено што ви преостанува е да ги изберете наушниците што најмногу ви одговараат.
