Извештајот кој го објави Re/code радио во својата програма, насловен The Elephant in the Valley објави нов застрашувачки податок за улогата на жените во САД.
Според анкетата која била направена за потребите на истражувањето, на дури 75% од жените кои работа во Силиконската долина во Калифорнија им се поставувани сексистички прашања од нивните работодавци за време на интервју за работа.
Најчестите прашања кои им биле поставувани на анкетираните жените од нивните работодавци се:
-Дали имаш деца? Не ? Тоа е добро во овој период од кариерата. Не би било добро за твојата кариера ако родиш.
-Дали би имала време да ја извршуваш работата и да работиш напорно како машките партнери ако си млада мајка? Или ако имам мало дете?
-И ако те вработам, како ќе знам дека нема да забремениш и заминеш на трудничко боледување?
-Која е твојата религија и кој е твојот став кон абортусот?
-Како би се грижела за детето кое го имаш ако работиш за нашата фирма? Кој ќе го чува?
Покрај сексистичките прашања, дури 50% од анкетираните жени изјавиле дека добиле и непристојни предлози од шефовите, особено за време на деловни патувања, а исто толку од жените изјавиле декa биле занемарувани од деловни патувања, но и од унапредувања на сметка на машките колеги.