Пред да започнете со некоја диета или пак со било какви физички вежби добро проучете го своето тело и дознајте кои вежби ќе ви донесат најдобри резултати.
Мет Робертс е еден од најпознатите лични тренери во светот кој соработува со ѕвезди од калибарот на Кетрин Зета Џонс, Џенифер Лопез и Кејт Винслент. Вежбите кои тој ги препорачува се во зависност од формата на телото на неговите клиенти.
Градбата на телото е поделена во 4 категории и тоа: круша, јаболко, песочен часовник и цевчест изглед.
Карактеристики на круша
Овој тип на градба се карактеризира со нагласени колкови, задник и бутини каде најлесно се таложат масни наслаги.
Познати личности: Бијонсе, Ријана и Џенифер Лопез
Режим на одржување: Одење по нагорница и трчање. Се препорачуваат тренинзи во кратки и интензивни интервали наменети за долниот дел од телото, како на пример различни типови на клекнувања.
Карактеристики на јаболко
Ваквата градба има витки нозе и тесни колкови. Масните наслаги се таложат во пределот на половината и горниот дел од телото.
Познати личности: Кетрин Зета Џонс, Мелани Грифит и Дру Баримур
Режим на одржување: Кардио вежби како трчање и возење велосипед. Избегнувајте вежби што задаваат голем притисок на горниот дел од телото.
Карактеристики на песочен часовник
Телото со форма на песочен часовник има тенка половина и нагласени гради и колкови. Наталожувањето на мастите е подеднакво на сите делови од телото
Познати личности: Кејт Винслент, Софија Вергара и Селма Хајек
Режим на одржување: трчање, танцување и интензивни кардиоваскуларни тренинзи. Внимателно со радикалните диети кои можат повеќе да наштетат, отколку да помогнат.
Карактеристики на цевчеста градба
Главните карактеристики на оваа градба се мали гради, тесни колкови и благо нагласена половина.
Познати личности: Тејлор Свифт, Кира Најтли и Ема Вотсон
Режим на одржување: Зголемено внесување на протеини и зајакнување на мускулната маса. Комбинирање на благи кардио вежби со интензивен тренинг за зголемување на мускулната маса.