Секоја жена барем еднаш во животот посакала да се почувствува како да е принцеза од бајките.
Пролет-лето колекцијата на дизајнерот Зухаир Мурад е вистинско исполнување на тој сон преку пастелните нијанси, импресивните кроеви и деликатните материјали.
Гламурозното шоу на Мурад, кое се одржа на модната недела во Париз, уште еднаш ја потврди неговата генијалност и причината поради која е еден од омилените дизајнери на холивудската елита. Префинетоста на креациите во комбинација со шминката и додатоците во косата, го доловија полниот сјај на неговите модерни принцези.
Додека гостите уживаа во сè она што им го понуди Мурад, манекенките одлично се забавуваа зад сцената чекајќи го својот ред за излегување на пистата.
Во продолжение можете да погледнете мал дел од оваа модна бајка.
