Низ зимскиот период носиме повеќе облека, што значи дека постојат и поголеми проблеми поврзани со облеката. Но, носењето на хулахопки, џемпери, чизми и што ли уште не, не мора да значи дека е напорно. Од сега слободно носете ги омилените парчиња облека без да се плашите да не се оштетат, бидејќи ви нудиме генијални совети како да ги зачувате.
Превенирајте го кинењето на новите хулахопки со прскање на лак за коса.
Исто така, за да траат подолго, натопете ги со вода, ставете ги во пластична кеса и ставете ги во ладилник една ноќ. Следниот ден, оставете ги да се исушат и потоа можете да ги облечете. Но, ова направете го веднаш откако ќе ги купите.
Волнените топчињата на вашиот џемпер извадете ги со камен за пети.
Со чисто сунѓерче за нанесување на пудра, извадете ги влакненцата од маицата кои се насобрале од џемперот.
Омекнете го џемперот кој ве боцка со балсам за коса и бел оцет. Ставете го во леген со ладна вода 15 минути, во која сте ставиле неколку лажички оцет, а потоа нежно поминете го со балсам и оставете го во вода уште половина час. Исплакнете го со чиста вода и оставете го да се исуши.
Ставете го џемперот во пластична кеса во ладилник преку ноќ за да не се рашири.
Закачете го џемперот на следниот начин, за да не ја изгуби формата.
Не диплете ги кожните панталони, туку едноставно закачете ги.
Превртената кожа исчистете ја со поминување преку неа со четка за заби. Ќе изгледа како нова.
За да ги исчистите чевлите од антилоп, земете едно парче леб и поминете ги. Потоа само исчистете ги трошките леб.
Ако чевлите ви се влажни не ги ставајте директно пред греалката за да се исушат, туку прво поставете хартија, па потоа оставете ги да се исушат.
Кожните чизми исчистете ги со вода и оцет и дамките веднаш ќе исчезнат.
Ако почнуваат да ви мирисаат чевлите, ставете нови и суви кесички чај, попрскајте малку сода бикарбона или оцет за да се апсорбира мирисот.
И за крај, ако не сакате да смрзнете откако ќе ги облечете наутро панталоните, издувајте ги пет минути со фен. Voila!
