Понекогаш и оние кои секојдневно знаат што да облечат, како да се нашминкаат и како да ја средат косата, може да доживеат блокада и да немаат идеја како да излезат од дома. Но, затоа постојат различни водичи, кои може да ви посочат како да се нашминкате и како да ја стилизирате косата на брз и едноставен начин. Погледнете како да се средите секој ден од седмицата и да не изгледате секогаш исто. Ви предлагаме по еден make up или вид на фризура, а вие секако може да ги менувате и комбинирате според вашите потреби.
1. Понеделник – класика = црн ајлајнер и црвени усни
Потрошете пет минути повеќе за нанесување на шминката и никој нема да забележи дека изгледате поспано првиот работен ден или дека не сте имале доволно време да ја измиете косата. Малку пудер, црвен кармин и извлечени линии со црн алајнер секого ќе натера да размислува за тоа колку време сте потрошиле за нанесување на шминката.
2. Вторник – детаљ во косата
Користете поголема елипсовидна шнола со чија помош ќе соберете два прамена од лево и десно и ќе ги зацврстите над ушите наназад кон темето. Најдобар дел од сето ова е дека може да изгледате одлично со природната текстура на вашата косата, додека прстенестата шнола наместо традиционалната е добра алтернатива за косата да изгледа лежерно, а сепак прибрано.
3. Среда – вовлечена коса
Пролетта е период од годината кога опуштено ги поминувате деновите во џемпер или тенка блуза. Искористете ги предностите на променливото време. Вовлечете ја косата во ролката или јаката и ќе добиете ефект на Боб фризура. Друга предност е тоа што на овој начин лесно можете да ги скриете испуканите краеви од косата.
4. Четврток - длабок патец на средина или од страна
Иако косата со длабок патец не сте ја носеле уште од средното училиште, дадете и повторно шанса на оваа фризура. Длабок патец од страна многу добро им стои на сите, а косата ќе изгледа уредно. Доколку ставите шампон за суво миење на коренот, косата ќе биде бујна, а малку неуредниот изглед нема да пречи.
5. Петок - црвени мат усни
Црвениот мат кармин е одличен избор за посветол изглед на лицето во петок, како во текот на денот така и во вечерните часови. Одлично оди со сè, па вие не мора да се грижите за комбинирање на облеката со овој кармин. Предлагаме течен кармин за усните кој трае подолго.
6. Сабота - природно, но сепак нагласено
За саботата вечер, малку нагласена верзија на природниот денски изглед е секогаш полн погодок, бидејќи ќе знаете како ќе изгледате и после неколку часа. Како што можете да видите на сликата, Оливија Палермо изгледа доста опуштено, без многу шминка, но сепак гламурозно.
7. Недела – фатена коса наназад
Ова е совршена фризура за в недела, бидејќи лесно се прави. Доволно е да имате една шнола за да ја соберете косата и да ја направите оваа фризура. Ќе ви треба помалку од една минута.