Колку и да не сакаме да признаеме некои нешта им се достапни само на луѓето од шоубизнис круговите. Од една страна затоа што обичните смртници не располагаат со толкава сума на пари, а од друга затоа што не се познати личности.
Едно од тие задоволства се чантите, како симбол на престиж, луксуз и висока класа. Дури и еден ден да ја соберете потребната сума за да купите еден ваков модел на чанта, љубезно ќе бидете одбиени.
-Извинете госпоѓо, не можеме да ви ја исполниме нарачката и за жал нема ни листа за чекање. Кога ќе дојде следната нарачка, едноставно ќе исчезне од продавницата. Да бидам искрена, не е лесно да се дојде до парче. Со среќа!, е одговорот што ќе го добиваат обичните смртнички кои сакаат да поседуваат Биркин чанта.
Сосема очекувано со оглед на тоа дека цената на најевтините модели започнува од „скромни“ 6000 фунти или подобро кажано цело богатство.
Моделите на Хермес се изработуваат во рок од 18 до 25 часа во зависност од комплексноста. Секоја продавница два пати во текот на годината прави нарачка, која што пристигнува по 6 или 12 месеци. Сосема разбирливо што сите клиенти за овие модели се од А листата на познати личности кои редовно ги гледаме на црвениот тепих.