Со текот на годините женското деколте полека, но сигурно започнува да ја губи формата. Ослабнувањето на мускулатурата доведува до спуштање на гради што пак не изгледа воопшто убаво, особено ако имате бујно деколте.
Постојат неколку нешта кои влијаат лошо врз формата на градите и губењето на тонусот. Доколку ги избегнувате вашите гради подолго време ќе го задржат убавиот изглед.
Пушење
Една од главните причини поради кои кожата ја губи еластичноста е пушењето. Оваа навика освен тоа што го намалува количеството на колаген во кожата, ја влошува циркулацијата на крв.
Лошо држење
Лошото држење на телото освен тоа што влијае негативно врз вашиот грб, лошо се одразува и врз градите така што ги доведува во неприродна положба. Доколку подолго сте во оваа положба градите започнуваат да свиснуваат. Затоа обидете се да се движите што поисправено.
Недостаток од вежби
Недостатокот од соодветни вежби за градите води кон опуштање на мускулатурата. Сепак, кога се прават напорни вежби за телото треба да носите соодветен спортски градник. Исто така треба да внимавате и со џогирањето затоа што напред-назад движења што се повторуваат исто така не се корисни за градите.
Не, за радикални диети
Добрата исхрана е мошне важна за вашите гради. Радикалните диети со кои за кратко губите значителен дел од својата тежина не се препорачливи како за вашата кожа, така и за вашите гради.
Лош градник
Колку повеќе градите се мрдаат толку поголем стрес се создава на кожата. Затоа е мошне важно да го имате вистинскиот број и форма на градник при рака. Никогаш не купувајте модели кои се преголеми или премали во кои имате непријатно чувство додека ги носите.
Премногу алкохол
Алкохолот во преголеми количини влијае негативно врз целото тело, вклучувајќи ги тука и градите. Премногу алкохол доведува до намалување на еластичноста на кожата, а со тоа и до спуштање на градите и губење на нивната форма.