А-здолништето е апсолутен моден хит за пролетната и претстојната летна сезона.
Овој тип на здолништа додаваат доза на гламур во вашиот секојдневен изглед, создавајќи слика на модерна принцеза со префинет вкус.
Богатиот избор на должини и бои ви овозможува да експериментирате со стилот и да го прилагодите здолништето на својата фигура.
За жени со нагласени колкови и задник – на оваа градба на тело најдобро и прилега А- здолниште каде материјалот се шири од колковите надолу и слободно паѓа. На овој начин погледот се фокусира на половината со што доаѓа до визуелно стеснување на долниот дел од телото. Ако имате нагласени листови изберете должина до колена.
За жени со јаболко градба – доколку имате тесни колкови и половина што е повеќе нагласена од нив, тогаш при изборот на А-здолниште избирајте модел нагласен со набори и поголем волумен. Комбинацијата може да ја надополните со памучна маица што ќе ја вовлечете во здолништето со што ќе постигнете тренди изглед.
За жени со спортска градба – А-здолништето во облик на ѕвоно е совршениот облик за оваа градба. Можете да експериментирате со долги модел како и со лесни материјали во неколку слоја.