Вашиот претпоставен можеби нема директно да ви каже дека не му се допаѓа начинот на кој изгледате, но со сигурност ќе ви даде дискретен знак дека нешто му боде очи.
Ако се прашувате што е тоа еве неколку идеи:
Апостолки – дури и во најжешките денови овој тип на обувки не се препорачуваат за носење на работното место. Наместо нив изберете балетанки или сандали.
Неуредни нокти – сакале или не луѓето ве гледаат во рацете. Никој нема да придаде големо внимание ако имате впечатливо лакирани нокти, но ако лакот започне да се лупи многумина ќе забележат. Излупените нокти оставаат впечаток дека недоволно се грижите за својот изглед.
Нападен парфем – само затоа што вам ви се допаѓа мирисот не значи дека и на другите им се допаѓа. Пред да се избањате во парфемот сетете се дека не работите сами туку со други луѓе.
Длабоко деколте – колку и да изгледа секси и провокативно за машките членови на вашиот тим, длабокото деколте секогаш го одвлекува фокусот од вашата личност на вашите гради. Зарем навистина сакате да ве гледаат како секс објект?
Проѕирна облека – никој нема да ви замери ако блузата има проѕирни ракави, но ако дојдете во нешто под кое се гледа сè сигурно сите ќе ве забележат и ќе коментираат во негативна смисла. Задржете ја ваквата облека за некоја друга прилика.
Прекратко здолниште - уште едно парче облека кое не се препорачува на работното место е прекратко здолниште. Едно е да ги покажете колената, а нешто сосема друго да ги покажете гаќите.
Спремни за вежбање – тренерките и патиките не се најдобрата опција за работното место. Иако во некои ситуации може да направите успешна спортска комбинација, сепак обидете се да ја сведете спортската облека на минимум