Една нова студија предводена од истражувачите од универзитетот во Тел Авив и Институтот за технологија во Масачусетс, ќе ве натера да се запрашате за тоа кои ви се навистина пријатели. Половина од оние кои сметаме дека ни се пријатели, истото не го мислат за нас. Резултатите покажуваат дека можеби лошо ги препознаваме оние пријатели од најблискиот круг.
Истражувачите спровеле испитување врз 84 студенти и ги замолиле секој еден да го оценат на скала од 0 (не се познаваме) до 5 (најдобар пријател), а потоа требало да погодат и нив како ги оцениле другите. Резултатите покажале дека 94% од студентите мислеле дека сосема се во право за тоа кои се нивни вистински пријатели, но всушност во право биле само 53%.
- Ако мислиш дека некој ти е пријател, очекуваш и тој исто да се чувствува во врска со тебе. Но, тоа не е случај, објаснува предводникот на истражувањето, Ерез Шмуели.
И додека истражувањето помеѓу студентите опфатило мал број на пријателства, истражувачите ги споредиле нивните резултати со шест веќе направени анкети за пријателството, кои покажуваат слични резултати. Во целост, највисоката стапка за заемно пријателство било 52%, додека најниската околу 34%.
- Овие наоди покажуваат дека луѓето имаат погрешна проценка за тоа кои им се вистински пријатели. Сепак, нивните взаемни пријателства исто така може да влијаат врз социјалниот притисок и однесување, додава тој.
Оваа студија ќе им ги отвори очите на сите оние кои сметаат дека имаат пријатели, а всушност не е сосема така. Следен пат размислете, дали и вашиот пријател ќе го направи истото она кое вие би го направиле за него.