Бричевите ги користат и мажите и жените. Тие ги употребуваат за различни делови од телото. Сепак, како да им го продолжите „животниот век“ за тие да траат подолго?
Ова се едноставни 3 трикови кои можете да ги примените.
Подгответе ја кожата
Што значи тоа? Без разлика дали е кожата на лицето или нозете, добро подгответе ја пред да ги употребите бричевите. Добро омекнете ја со пената за бричење, а со тоа и самото бричење ќе биде не само полесно, поефикасно туку и ќе ги заштитите и бричевите од триење и оштетување.
Одржувајте ја хигиената
Не, не на вашето тело туку на самите бричеви. По самиот процес на бричење добро исчистете ги сечилата во бричевите, и чувајте ги во заштитна обвивка за да не се оштетат од влагата во тоалетот, но и да не дојдат во допир со бактерии кои подоцна ќе ви наштетат.
Избегнувајте бричевите да дојдат во допир со премногу вода
По употребувањето на бричевите добро исушете ги додека исчезне целата вода од сечилата. Влагата, но и самата вода предизвикуваат тие да отупат побрзо од вообичаеното, па затоа добро избришете ги по секое употребување.