Фустаните со висок шлиц секогаш се одличен избор за на црвениот тепих.
Хајди Клум, Алесандра Амбросио и Карли Клос одржаа лекција за стил и за тоа како се носи фустан со ваков крој кога фотографите го следат секој ваш чекор, па не ви преостанува ништо друго освен заводливо да се смешкате и да позирате.
Трите манекенки беа дел од традиционалната amfAR Cinema Against AIDS гала вечер што се одржа во хотелот Hotel du Cap-Eden-Roc на Француската ривиера.
Хајди Клум блесна во прекрасен жолт модел, додека Амбросио и Клос носеа црно.
Клум го комбинираше својот фустан со сребрени високи потпетици и тиркизен накит, спој што совршено одговара на нејзиниот ведар дух.
Амбросио ја покажа долната облека во креација со многу сличен крој, но од проѕирен материјал, додека Клос ја избра најкласичната варијанта во која можеби не откри премногу од своето деколте ама подеднакво го привлече вниманието. Се на се, три супер секси жени во три супер моќни креации.