Дрвото и смолата се одлични материјали кои ако се спојат може да создадат неверојатни и уникатни ракотворби. Токму на тоа се сетил Александар Пешевски, кој има огромна страст кон креативноста. Создава уникатен накит со многу љубов, како што вели и самиот.
- Обрнувам многу внимание на накитот и на деталите, дури и на најситните. Се надевам дека ќе ја препознаете мојата страст и трудот кој сум го вложил во изработувањето на накитот, вели Александар
Со оглед дека ова е негово хоби, па не може да присуствува на разни базари, си го промовира накитот преку Facebook и официјалната страна Mighty Creation. Сега се одлучил и за самостојна изложба, која ќе се одржи на 2 јуни во „Концепт 37“. Таму ќе биде изложен неговиот цел накит. А до тогаш, погледнете некои креации и можеби ќе си изберете некоја омилена:
