Понекогаш правиме нешта кои полека, но сигурно го разнишуваат односот што го имаме со партнерот односно партнерката. Тешко е да признаеме дека самите сме придонеле да дојде до тоа бидејќи овие „грешки“ најчесто ни се случуваат несвесно.
Се фокусираме на негативното – секогаш кога тој или таа ќе направат 99 правилни нешта, ние се фаќаме за онаа една работа која што не ни се допаѓа.
Влегуваме во рутина – забораваме дека заедничкиот живот може да биде забавен и започнуваме да се задоволуваме со рутински нешта. А тоа со текот на времето станува мошне здодевно.
Не вложуваме во нови нешта – ако сме во врска не значи дека не смееме да имаме ново хоби, нови пријатели и слично. Нештата кои ги правиме надвор од врската ни помагаат подобро да се спознаеме себе си, а со тоа и што сакаме од нашата врска.
И се препуштаме на несигурноста – постојано мислиме дека нешто не е во ред и дека нештата ќе тргнат во погрешна насока.
Не зборуваме за сексот – компатибилноста во спалната соба е мошне важна за една врска, па кога премолчуваме нешта кои не ни се допаѓаат не му правиме услуга на нашиот однос.
Не се интересираме за туѓите страсти- забораваме на тоа дека и нашиот партнер или партнерка имаат најразлични страсти, кои можеби не ги сакаме, но вреди да ги испочитуваме.
Не го цениме партнерот – кога не го цениме оној со кого сме во врска постепено создаваме чувство на незадоволство.
Не сакаме промени – времето менува сè, па доколку не се прилагодиме на промените ризикуваме да загубиме многу нешта.
Имаме погрешни приоритети – секогаш го ставаме партнерот односно партнерката на споредно место кога станува збор за другите луѓе во нашиот живот.
Инволвираме премногу личности – сите пријатели знаат дека нешто не е во ред со нашата врска, освен нашиот партнер
Премногу брзаме – ја гледаме врската каква што може да биде, а не каква што е, за потоа да завршиме со разочарување.