Сите сакаме цврст и убав задник, но нашето работно место понекогаш ја создава најголемата препрека за тоа.
Неколку истражувања досега дојдоа до истиот заклучок: канцелариската работа влијае негативно врз мускулатурата на нашиот задник. Па, така целодневното седење на столче резултира со задник што полека, но сигурно ја губи формата и се спушта.
Ако поминувате поголем дел од своето време од денот седејќи, а сакате да имате стегнат задник потребно е да правите редовни паузи за прошетка и да почнете да вежбате, со цел да го поништите негативниот ефект.
-Целулитот се формира како резултат на слабиот проток на крв, што пак предизвикува губење на колагенот, вели Ден Џордано, коосновач на Bespoke Treatments Physical Therapy.
Кога веќе мора да седите, седете правилно. Обезбедете добра потпора за грбот, олабавете ги рамената и држете ги лактите во висина на масата. Столот на кој седите нека биде близу до бирото, за да не морате постојано да се наведувате кон тастатурата.