Некои луѓе веруваат дека вагината на девиците е плитка, по губењето на невиноста доживотно проширена, а по сексот со повеќе партнери што е можно поширока.
Што е вистина, а што лага?
Разно разните митови поврзани со женскиот полов орган немаат врска со вистината и со анатомијата на вагината.
Во суштина нема тесни и широки вагини, туку вагина што се прилагодува на пенисот. Вагиналните мускули се прилично еластични и наликуваат на растеглива гума, па дури да се растегнат до својот максимум, токму како таа еластична гума ќе се вратат во првобитната состојба.
Па затоа ниту гинекологот, ниту партнерот не може да процени колку партнери имала жената врз основа на изгледот на нејзината вагина.
По породувањето вагината се враќа во нормала по 6 месеци. Иако породувањето подразбира раѓање на дете со просечна тежина од 3, 5 килограми излегува од вагината, нејзините мускули се способни да се прилагодат на тоа. Во многу ретки случаи ослабените мускули не се враќаат во форма, но тоа повеќе е исклучок, отколку правило.
Единствениот проблем што може да настане за време на породувањето е пукање на перинеумот, што пак се санира со шиење.
Вагината се „собира“ кога жената не е опуштена и навлажнета, па поради тоа тешко се прилагодува на пенисот, а воедно и го отежнува сексуалниот односот.