Ова можеби е еден од најбизарните третмани за убавина кои што досега сме ги виделе.
Крајната цел е да се отстранат темните кругови кои не ретко се формираат под очите. Сепак, дали процедурата со CO2 е вистинскиот начин за тоа?
Видеото што неодамна беше постирано на Instagram го покажува екстремниот третман на дело.
На снимката се гледа како се инјектира гасот под кожата, по што областа под очите започнува да отекува и тоа на изглед многу болен начин.
Салоните за убавина, во кои може да се најде овој третман, тврдат дека процедурата не е болна како што изгледа. Можна е само чувство на скокоткање за време на инјектирањето на гасот. Откако гасот ќе биде ставен под кожата се остава да се апсорбира по природен пат.
Резултат?
Експертите тврдат дека по третманот се зголемува кислородот во делот каде е инјектиран гасот, кожата изгледа подобро и доаѓа до намалување на темните кругови.
Освен тоа велат и дека се зголемува количеството на колаген, по што кожата блеска и го враќа младешкиот изглед.