Целулит... Речиси 90% од жените го имаат без разлика дали се со прекумерна или пак со нормална тежина.
Најчесто може да се забележи на пелвичниот регион, бутовите, задникот и абдоменот. Иако познати се најчестите фактори за негово предизвикување (метаболизам, диета, вежбање, генетика...) често постојат и митови за него.
Кои се 4-те митови за целулитот кои треба да престанат да циркулираат во јавноста?
Контрацепцијата може да предизвика целулит
Иако целулитот е поврзан со естроген (затоа што жените имаат повеќе строген од мажите), нема научен доказ дека контрацепцијата предизвикува појава на целулит. Експертите не знаат точно зошто целулитот се појавува на нашето тело, но тоа не е дефинитивно од земањето на контрацепција.
Кремовите против целулит се целосно непотребни и не-функционални
Па, не целосно. Не постои магична крема која ќе ви го елиминира целулитот, но дел од нив делуваат во обид да го подобрат изгледот на кожата и тој да биде помалку видлив за голото око. Дел од кремите навистина делуваат во борбата против целулитот, но таа борба е краткотрајна (понекогаш и само неколку дена) бидејќи кремите најчесто содржат состојки кои го стимулираат колагенот во кожата и ја затегнуваат. Но, повторно тоа е краткотрајно.
Вежбите специјализирани за елиминирање на целулитот се успешни
Вежбите од било која природа (пилатес, џогирање па и вежбање во теретана) имаат ефекти, но не и во борбата против целулитот. Вежбите ќе ви помогнат при губењето на вишокот тежина, која придонесува за зголемување на целулитот, но вежбите нема да го елиминират целулитот.
Инвазивните третмани целосно ќе го елиминираат целулитот
Не е точно. Не постои трајно решение за ништо, без разлика колку е инвазивен, скап третманот. Дури и студијата за убавина кои гарантираат „трајни резултати“ со ласерски третмани или други процедури најчесто лажат и самите процедури се екстремно скапи. Затоа добро размислете пред да се одлучите за нив.