Едни од најдобрите начини да добиете убав бронзен тен е постепено да излегувате на сонце и да уживате во впивањето на витамин D. Некои природни масла може да ви помогнат побрзо да ја добиете бојата ова лето, а ако ги користете ќе ви се хидратизира кожата.
Сончањето со природни масла е најздравата опција, но внимавајте на основните правила како што е избегнување на сонцето од 11-16 часот, нанесување на заштитен крем, освежување, хидратација.. За вашата кожа полесно и подобро да добие темна нијанса, важно е добро да се подготвите. Пилинзите се клучни. Пред да нанесете некое од овие масла, кожата треба да ви биде потполно чиста, а се препорачува само по 10-15 минути сончање на секоја страна на телото. Почнете постепено, а особено бидете внимателни ако имате светол тен. Почекајте да фатите малку боја, а потоа почнете со маслата.
Едно од најдобрите масла за брзо потемнување е маслото од лешник. Содржи витамин Е и кожата побрзо го впива, отколку другите масла.
Кокосовото масло се препорачува за оние со поосетлива кожа.
Маслиновото масло добро делува кога се работи за брзо потемнување. Новиот трик е да го измешате со малку чист сок од моркови и тинктура од јод, за да ги спречите изгорениците.
Маслото од авокадо се препорачува за оние со сува кожа, додека маслото од пченични никулци може да ги ублажи последиците од сончањето како што се брчките или проблемите со пигментацијата.
Екстрактот од зелен чај најдобро ги спречува изгорениците од сонце. Ја омекнува кожата и ве штити од УВ зраци. Најдобро е да го измешате со некое од горенаведените масла.