Колку и да се обидуваме да ги измнипулираме луѓето со нашите зборови и дела, понекогаш говорот на телото е поочигледен доказ за нашето вистинско јас од било што друго.
Еден од начините на кои што луѓето може да нè прочитаат, е нашето одење. Пети Вуд, инаку стручњак за говор на тело, нуди интересна типологија на движење, во која се издвојуваат четири типови на одење. Повеќето луѓе комбинираат два типа на одење, со тоа што еден од нив секогаш е доминантен.
Возач – чекорот е брз, телото е благо наведнато, насоката праволиниска, а раката најчесто е резервирана за телефонот. Пречките на патот ги заобиколува на најдиректниот начин дури кога тоа значи дека треба да ги турне. Овој тип на одење укажува на логична, продуктивна и интелигентна личност која е натпреварувачки настроена. Луѓето и се восхитуваат, но не ретко мислат дека е ладна.
Моќен – градите се исправени, рамената се поставени наназад, главата е високо поставена, став што укажува на влијателна личност. Оди брзо, но за разлика од претходниот тип се смее и застанува да се поздрави со познаниците. Вака оставаат впечаток на харизматична личност, но понекогаш толку многу сакаат да бидат во центарот на вниманието што се премногу напорни.
Придружник – телото е исправено, брзината е умерена, а самото одење самоуверено. Се разбира со луѓето со поглед и повеќе е заинтересиран за самите личности со кои е опкружен, отколку со задачите кои треба да ги завршат. Сака да го почитуваат, но е премногу скромен за да го признае тоа. Можно е да има проблеми со концентрацијата. Понекогаш остава впечаток на човек кој лесно може да се манипулира и со тоа станува мета на луѓе кои сакаат да го искористат.
Несигурен – оди на врвот од прстите, бавно и внимателно, со поглед спуштен надолу и раце залепени до телото. Изгледа како да го истражува теренот. Не комуницира премногу со околината, освен ако не мора. Интровертна и љубезна личност, која често не може да ги изрази желбите и потребите, но очекува другите луѓе да и ги исполнат очекувањата.