Вистинскиот костим за капење може да направи чуда за вашиот задник. За многу жени овој дел од телото е слаба точка што треба да се сокрие под марама. Сепак, не мора да биде така, ако знаете правилно да изберете соодветен долен дел.
Мал задник – бразилки или бикини
Жените со мал задник може да експериментираат со минијатурниот долен дел од костимот за капење, но во шарена варијанта. Еден од најдобрите модели за овој задник се бразилките, односно плитки бикини гаќички со странично врзување.
Рамен задник – боксерка стил
Задникот што нема нагласен профил ниту нагласени колкови дозволува различни долни делови. Сепак, со оваа градба најдобро се вклопуваат плитки боксерки или плитко бикини со впечатливи детали.
Широк задник – широк модел
За жените со широк задник се препорачуваат модели кои се широки од страна. На овој начин широкиот дел ги прекрива колковите и го става акцентот на нозете, што пак визуелно ги продолжува и ги прави потенки.
Заоблен задник – ретро гаќички
Жените кои се благословени со заоблен и стегнат задник може да експериментираат со најжешкиот модел на сезоната, ретро костимите за капење. Кај овие модели со висока половина бедрата се во преден план, додека нозете се издолжуваат.
Заоблен и спуштен задник – бразилки
Оваа форма на задник може да биде мошне секси со помош на плиткиот бикини модел, што високо се врзува од страните. Доколку не ви се допаѓа овој модел, тогаш изберете парче што од страните ќе биде што потенко.
Мал нагласен задник – секој модел што се врзува од страна
Обидете се да најдете модел што е со изразени детали на колковите. Најдобриот избор е малку поширок долен дел што од страните има плетени ленти за врзување или пак повеќе од една лента.