Не секогаш е лесно да „прочитате“ дали му се допаѓате на некого или не. Секој од нас барем еднаш во животот имал ситуација во која не можел да процени дали и се допаѓа на некоја жена, односно маж.
Според истражувањата, мажите се оние кои почесто прават грешка, кога е во прашање флертувањето.
За искусните луѓе, доволни се 15-тина минути за да можат да проценат дали има љубовен интерес или не.
Ако во првите 3 минути започне да разговара со вас поинтимно, да се насмевнува и да ве опсипува со комплименти, можете да бидете сигурни дека на личноста и се допаѓате. Истото важи и за ситуации кога директно ве гледа во очи и не го трга погледот од вас.
По пет минути од разговорот личноста и понатаму е позитивна и афирмативна кога зборува со вас. Уште еден знак дека и се допаѓате е кога ги отвора дланките кон вас. Тоа сигнализира дека и е пријатно и на несвесен начин покажува дека и се допаѓате.
По околу 8 минути комплиментите полека започнуваат да исчезнуваат. Мажот кој е заинтересиран во оваа фаза ја гледа жената со долг и фиксиран поглед, додека заинтересираната жена го префрла разговорот на лични детали.
По 10 -15 минути ако и понатаму постои интерес, жената станува се повесела и отворена. Мажот од друга страна го снижува тонот на гласот, зборува подлабоко и се задлабочува во конверзацијата.