Имате долга коса и сакате да направите нешто поинакво со неа?
Следат три едноставни, но ефективни фризури кои се подеднакво интересни како за на работа, така и за вечерно излегување.
Амазонска плетенка
Одвојте го горниот дел од косата и заврзете го во опавче. Со тенката рачка од чешелот направете ги саканиот облик и волуменот. Преостанатата коса завиткајте ја во коњско опавче. Потоа земете тенка лента или тантела, што ќе ја заврзете околу опавчето. Можете да користите и некоја еластична лента или врвка. Предниот дел наместете го соодветно на обликот на лицето и на крај зацврстете со лак за коса.
Сирена плетенка
Земете мал прамен од предниот дел на главата и завиткајте го. Потоа земете прамен непосредно под него и завиткајте го со првиот. Продолжете да земате прамени надолу по косата и виткате ги еден со друг. Истата постапка повторете ја и од другата страна на главата.
Со ластиче врзете ги двете страни од плетенките и со помош на шноли поврзете го средниот дел од плетенките. Зацврстете со лак за коса.
Крст плетенка
За почеток нанесете пена за коса. Потоа со помош на фен и пегла убаво исправете ја. Заврзете го предниот дел во коњско опавче и со помош на два прамена од истиот почнете да ја плетете косата. Кога ќе ја исплетете целата коса заврзете ја со ластик. Од страната на главата направете уште една плетенка и прицврстете ја на другата страна.