За време на летните жештини кои овие денови се во голем замав, треба да пиеме многу течности, особено вода. Важно е нашата кожа да ја добие додатната нега која ќе и ја овозможи неопходната хидратација. Идеален третман за хидратација вклучува нежен пилинг на кожата, кој темелно ќе ги отстрани изумрените клетки, ќе ги исчисти порите и ќе ја зајакне микроциркулацијата. По пилингот на кожата ставете хидратантен крем, кој содржи антиоксиданси. При тоа многу е важно да нагласиме дека колку што е кожата поизложена на сонце, толку повеќе заслужува да и посветите посебно внимание.
Правилна летна нега
Редовниот, но не многу пречест, пилинг на кожата ја намалува нејзината дехидратација, кожата станува отпорна на сонце и видливо поздрава. Исто така би требало да ја замените тешката и масна зимска крема со некоја полесна која побрзо се впива и не ја мрси кожата.
Летото најважно е темелно да го исчистете лицето, а најдобро е тоа да го направите пред да заминете во кревет. Сепак, не треба да претерувате со чистење и миење на кожата, а тоа особено се однесува на личностите со масна кожа на лицето. Имено, претераното чистење на масната кожа може да ги стимулира жлездите да произведуваат уште повеќе маснотија што доведува до спротивен ефект од посакуваниот.
Дали морето е доволно за нега на нашата кожа?
Иако морето е совршен извор на здравје и убавина, по одредено поминато време на плажа треба да го негувате вашето лице и тело. Поминувањето одредено време на сонце, море и ветар може да остави и некои негативни последици – сува и дехидрирана кожа, како и повеќе видливи брчки. Затоа потрудете се да ја негувате кожата на лицето колку што е можно повеќе.