Во лето се соочуваме со големи горештини од кои мора да се чуваме. Но, најчесто избираме погрешни материјали кои неверојатно нè потат и не и дозволуваат на кожата да дише. Со цел да се чувствувате покомотно и да не се потите, погледнете ги следните материјали кои се најдобри да ги носите преку летниот период, затоа што воопшто нема да ги чувствувате жештините.
Лен
Пријатна ткаенина, која слободно може да ја нарекуваме „вентилатор“ меѓу материјалите. Го пропушта воздухот до вашето тело и така го спречува потењето. Единствена мана е тоа што многу се гужва, но со оглед на неговата леснина, тоа и воопшто не е важно.
Памук
Непобедливиот материјал за летните месеци е токму памукот. Ја впива влагата од телото и го активира нејзиното испарување.
Кепер
Најчесто се произведува од памук и неговите мешавини, па затоа се смета за соодветна замена на памукот. Ако не сакате да се откажете од долгите панталони и за време на топлите денови, изберете модели од кепер, бидејќи ќе се чувствувате поудобно.
Вискоза
Едно од најпопуларните синтетички влакна кои настануваат од остаток на целулозни влакна е вискозата, која е многу слична на памукот. Токму поради тоа на некому е омилен материјал преку лето.
Свила
Природната ткаенина која „дише“ позната е и по тоа што се прилагодува на температурите, па ако во зимо ве топли, лето ве разладува. Иако не поттикнува потење, тенка е и мека, па може лесно да се лепи за испотена кожа.
Шифон
Се изработува од разни мешавини, но кога е направен од свила и памук станува идеална ткаенина за летна облека. Најчесто се користи за изработка на фустани и блузи затоа што е многу лелеав.