Секогаш кога ќе ги погледнеме сите оние супермодели во секси костими за капење, тивко воздивнуваме и се прашуваме зошто и ние немаме такво тело. Сепак, она што не го знаеме е дека и тие го немаат.
Најголемиот дел од она што го гледаме во суштина е дело на Photoshop. Ако досега мислевте дека се коригираат само мали делови, тогаш ќе бидете пополно изненадени кога ќе дознаете дека се прави замена на цели тела.
Уште пред да се започне со фотосесијата сите костими за капење се пополнуваат со перничиња и со дополнителни делови. Некои модели велат дека костимите се толку тешки, што не можат да се држат во рака.
Под горниот костим за капење најчесто се носат градници за да се подигне деколтето. На овој начин градите им изгледаат како природно да се подигнати во костимот за капење.
Оној што треба да ги обработи фотографиите во Photoshop, има задача да ги „досреди“ градите, односно да ги отстрани брадавиците, да им даде потопчеста форма и се разбира да ги направи поголеми од што реално се.
Кога се прави подготовка за фотосесија, моделите не мораат да одат на депилација бидејќи по средувањето на фотографиите се средува и тој дел, па нивната кожа изгледа беспрекорно мазна.
Верувале или не, телата на манекенките не се прават послаби, туку позаоблени. Онаму каде што има нагласена коска истата се маскира со поблаг преод.
Една од најбизарните промени е промената на тело. Некои брендови за долна облека и костими за капење, бараат од агенциите задолжени за фотографиит, да заменат одредени делови од телото на манекенките, со други. Па така, не ретко гледаме едно тело, со други раце или нозе, но не знаеме за тоа.