Наместо да трошите цело богатство на средства за чистење на бањата, можете да користите нешта кои веќе ги имате во својот дом, а го имаат истиот ефект. Вашата бања ќе изгледа беспрекорно, а вие ќе заштедите.
За огледала без дамки
Направете раствор од хидроген пероксид и сода бикарбона. Испрскајте го врз огледалата, па потоа со помош на сунѓер убаво избришете. За истата намена можете да користите и пена за бричење. Освен тоа што ќе ги исчистите дамките, ќе го спречите создавањето на пареа следниот пат кога ќе се туширате.
За беспрекорно чиста када
Најдобриот начин да се ослободите од бактериите во кадата и да направите да изгледа беспрекорно чиста е да помешате ½ шолја оцет, 1 шолја алкохол и ¼ шолја вода. Потоа оваа течност додадете ја во половина литар топла вода. Употребете ја водата на сите површини и оставете да дејствува 15 минути, па потоа исплавете со ладна вода.
Чист тоалет
Верувале или не тоалетот можете да го светнете со паста за заби. Разредете ја пастата со вода и нанесете ја во шолјата. Оставете да дејствува 30 минути, па потоа исчистете со четка.
Плочки без црни дамки
Потопете памук во белило и со него поминете ги плочките. По 20-тина минути измијте со млака вода. На овој начин ќе се ослободите од сите дамки кои се насобрале на нив.
Ослободете се од `рѓата
Ова може да биде многу полесно од што мислите. Едноставно земете сол ставете на сите оние места каде што има `рѓа. Потоа исцедете лимон врз неа. За најдобар ефект оставете да дејствува преку ноќ.
Таван без прашина
За чист таван користете 1:1 мешавина од топла вода и оцет. Заштитете ги рацете со ракавици, па потоа земете крпа и пребришете го таванот со оваа течност.
За чисти завеси
Во прскалка ставете 500 мл белило и лажици течност за миење садови. Оваа течност испрскајте ја по целата должина на завесата и оставете да делува неколку минути. Потоа само исплавете со вода.
