Летен одмор, денови што со нетрпение ги чекаме цела година. Токму кога мислиме дека ништо нема да ни го уништи уживањето на плажа одеднаш се појавува некој „пациент“.
Тоа се оние иритантни типови на луѓе кои како за беља се нашле во наша близина и немаат осет да си ги соберат парталите и да си одат.
Крлеж тип – човек што мисли дека сè е негово. Излегува од вода и насекаде прска вода, го мести својот пешкир веднаш до вашиот, а ако не сте доволно внимателни може и да ви залепи нога на неколку сантиметри од носот.
Љубовџија – дошол на одмор за да лови. Само чека прилика да ве начека сами во вода или пак некако да започне разговор. Дури и кога јасно ќе ми дадете на знаење дека не ви се допаѓа, ќе треба време додека не се откачи.
Барбика на плажа – ова е класичен тип на девојка со мобилен телефон во рака, која влегува во вода само за да се разлади. Преостанатото време го поминува сончајќи се. На неа ќе забележите тон шминка и се разбира вештачки нокти и трепки.
Ајде да си стискаме мозолчиња! – добро луѓе зарем немате попаметна работа?! Ова најчесто се маж и жена или дечко и девојка кои по цели денови чистат мозолчиња на плажа, вадат зараснати влакна и се однесуваат како да се сами на плажа.
Запалени – кога ли само последен пат имале секс? Можеби се нимфомани? Овие двајца постојано се љубат, се фаќаат и кога ќе влезат во вода сите други ги избегнуваат. Може да претпоставите зошто...
Воајери – само снимаат разголени тела и фантазираат. Не ретко им се случува да ја спуштат раката во гаќите за да завршат работа без разлика на тоа што се опкружени со луѓе.
Кај паднало, таму останало – овие луѓе фрлаат се што ќе стигнат на плажата. Немаат навика ниту да го соберат ѓубрето во кеса, туку едноставно го оставаат таму каде што ќе стигнат.
Несовесни родители – детето вреска и фрла песок по секој што ќе стигне, а неговата мајка вели: Па што да му правам?! И тоа најверојатно на многумина од вас ви звучи мошне познато.