Доколку некогаш сте се запрашале колку е соодветно носење на шорц во 30-тите години, познатите од шоубизнисот го имаат одговорот на ова прашање.
За време на летниот период кога температурите знаат да го достигнат 40-от степен многу припаднички на понежниот пол одбираат облека која ја комбинираат со шорцеви. Но, многумина оваа парче на облека го избегнуваат сметајќи дека е резервирано за помладите.
Познатите во 30-тите години, сепак, летото не може да го замислат без добро познатиот шорц. Судејќи по нив, овие куси пантолони, понекогаш и во многу кратка варијанти, не се ретка глетка.Честопати можеме да ги видиме во прилагодени и внимателно скроени и одбрани комбинации.
Модните експерти сметаат дека тајната на носење на овие „жешки“ панталони е во начинот на кој тие се комбинираат со друга облека и додатоци. И додека девојките во 20-тите кон овој моден детаљ имаат лежерен пристап, главно комбинирајќи ги со обична маица, тие од 30-тите покажуваат една „исполираност“ во комбинациите од класична маица, јакни, каиши и чевли за да се постигне еден софистициран изглед.
За да облечете лежерна и удобна комбинација, погледнете како тоа го прават познатите личности како Криси Тајген која носи шорцеви со распарани рабови во комбинација со тесна бела маици и лесна верзија на подолг мантил.
Вистински пример за елегантна комбинација е познатата актерка Рис Витерспун, која, за разлика од другите, се одлучила за темно син шорц во комбинација со маица со интересни цветни мотиви. Криси и Рис својот casual стил го зачиниле со шапки и со тоа додале доза на елеганција.