Легендарниот календар Pirelli секоја година ги вклучува најголемите ѕвезди од светот на музиката, филмот и модата, а неговите автори ги избираат најдобрите и најпознатите светски фотографи. Новиот календар ќе го прави Петер Линдберг и тоа по трет пат.
Познатиот фотограф веќе работел за Pirelli во 1996 година во пустина во Калифорнија, но и во 2002 година во Лос Анџелес.
Календарот за 2017 година ќе се снима на пет локации, Берлин, Лос Анџелес, Њујорк, Париз и Лондон, а во него ќе се најдат дури 15 ѕвезди. Чарлот Ремплинг, Ума Турман, Никол Кидман, Леа Сејду, Алиша Викандер, Кејт Винслет, Џулиен Мур, Робин Врајт, Лупита Нјонго, Руни Мара, Џесика Честејн, Анастасија Игнатова, Пенелопе Круз, Хелен Мирен и Жанг Зију ќе бидат дел од календарот.
Како најава објавија неколку фотографии и видео од досегашното снимање.